Управниот одбор на ДПМ го отвори конкурсот за традиционалните годишни награди на Друштвото на писателите на Македонија за дела објавени во 2025 г.: „Стале Попов“ – за најдобра прозна книга, „Ацо Шопов“ – за најдобра збирка песни, „Ванчо Николески“ – за најдобра книга за деца, „Димитар Митрев“ – за најдобра книга критика или есеистика и „Мост“ – за најдобра книга објавена на некој од јазиците на заедниците во земјава.
Во согласност со Статутот на ДПМ, право на учество (со сопствено дело или како членови на жири-комисиите) имаат сите активни членови на Друштвото.
Конкурсот за годишните награди на ДПМ се организира во согласност со Правилник, и во согласност со Деловник за жири-комисиите.
Конкурсот ќе биде отворен до (заклучно со) 23 декември, 15:00 часот.
Сите книги на конкурсот се праќаат по пошта (Ул. „Максим Горки“ бр. 18, 1000 Скопје), или се доставуваат во просториите на ДПМ.
На конкурсот можат да учествуваат сите активни членови на ДПМ.
