Вечерва, со почеток од 19:30 часот, во Паркот на поезијата во Струга започнува десеттото јубилејно издание на фестивалот на краток филм Drim Short.
Во текот на пет фестивалски денови публиката ќе гледа филмови од пет натпреварувачки програми: Меѓународна, Регионална, Национална, Студентска и Специјалната програма „Соочување со минатото“ во соработка со „Про Пис Северна Македонија“.
Жирито кое ќе одлучува за наградите во секоја категорија е во состав: Масимилиано Нардули (сценарист), Верица Недеска (актерка), Цанко Василев (продуцент) и Гледис Бица (режисер).
Вo продолжение се наоѓа програмата и распоредот за првиот фестивалски ден.
Програма за 5 август (среда)
Локација: Парк на поезијата, Струга
19:30 Свечено отворање и проекции на филмови
Меѓународна програма: A south facing window, режија: Lkhagvadulam Purev-Ochir Wonderwall, режија: Róisín Burns
Регионална програма: Imaginary Numbers, режија: Jelica Jerinić
Специјална програма: „Соочување со минатото“ I Believe the Portrait Saved Me, режија: Alban Muja
Национална програма: КЛУПА, режија: Трифун Ситниковски [премиера]
По проекциите следува серија на прашања и одговори со Златко Ѓелески и присутните автори.
Музичка програма е закажана од 22:30 часот со концерт на Дина Јашари.
Распоредот и програмата се достапни на социјалните мрежи и веб-страницата на Drim Short.
Влезот за сите настани е бесплатен!
Генерален покровител на јубилејното издание на фестивалот е Агенцијата за филм на Северна Македонија. Ова издание е овозможено од повеќе партнери и спонзори.
