На 2 јули (среда) со почеток во 20 часот, во летното кино „Мирно лето“ на Кинотеката на РСМ ќе се одржи проекција на 7 кусометражни играни филмови работени според сценарија на македонски писатели.
На програмата се филмовите: „Сонце зад решетки“ од 1957 година, по сценарио и во режија на Славко Јаневски; „Твојот роденден“ од 1961, по сценарио на Илхами Емин, во режија на Здравко Велимировиќ; „Невољите на покојникот К.К.“ од 1963, по сценарио на Коле Чашуле, во режија на Здравко Велимировиќ; „Давид, Голијат и петел“ од 1960, по сценарио и режија на Славко Јаневски; „Лифт горе, лифт долу“ од 1967, по сценарио на Ташко Георгиевски, во режија на Душан Наумовски; „Човекот во црно“ од 1970, по сценарио на Мето Јовановски, во режија на Бранко Ставрев, и „Споменик“ од 1968, по сценарио на Бошко Смаќоски, во режија на Вељо Личеноски.
Проекцијата е организирана од Кинотеката на РСМ, во соработка со Друштвото на писателите на Македонија, а селектор на програмата е вонр. проф. д-р Атанас Чупоски, вработен како филмолог советник во Кинотеката и член на ДПМ.
