Стојанче Ангелов, директор на Дирекцијата за заштита и спасување, беше на спортскиот аеродром кај Штип, каде што се сретна со Раде Ивановски, сопственик на компанијата Rimin Air, пензиониран пилот на комерцијални летови и инструктор, при што разговараше за можности за основна обука на Air Tractor, известуваат од ДЗС.
Ангелов истовремено се сретна со тројца можни кандидати за пилоти на Air Tractor, коишто имаат над 300 авио-часови во спортско летање. Притоа, тој имаше извидувачки лет со еден од кандидатите за пилот на Air Tractor, над штипскиот регион.
Во овој моментов ДЗС има 5 пилоти на Air Tractor, еден авион е сервисиран и е на аеродром функционален и два се на сервис, коишто се очекува да пристигнат сервисирани и подготвени за употреба во април, а најдоцна во мај, со што поподготвено ќе се пречека летната сезоната на пожари на отворено, соопштуваат од Дирекцијата за заштита и спасување.
