Центарот за управување со кризи (ЦУК) соопшти најнови информации за последиците од обилните врнежи на територијата на Македонија – состојба заклучно со 9:00 часот.
Кај Оризарска река во село Грдовци има излевање. Водостопанство Брегалница интервенира со багер гасеничар. Механизацијата е сѐ уште на терен. Од понеделник ќе започне чистење на речното корито на Оризарска река од Грдовци кон Оризари со цел да се спречат идни несакани последици.
Сообраќајот на патниот правец Кочани-Грдовци е нормализиран.
На повеќе патни правци во источниот дел се појавуваат одрони и „Македонијапат“ интервенира за нивно расчистување.
Во населбата Стрчин КЈП „Нискоградба“ интервенира со механизација за расчистување на нанос од чакал и земја.
Во селото Кравари има заезерени земјоделски површини без опасност по објектите.
Во селата Жабени и Породин има поплавени земјоделски површини и ЈП „Водостопанство“ интервенира на Жабјанска Река.
Елешка река е излеана и има поплавени земјоделски површини.
Нивото на водата во реките е во опаѓање.
Поплавени се земјоделско земјиште, дворови, куќи, помошни објекти и магацини за складирање на јаболка.
Нивото на Голема река е намалено од 2,20 метри на 1,40 метри.
Ангажирани се екипи од ЕЛС „Ресен“, „Македонијапат“ и ЈКП „Пролетер“ Ресен кои вршат обиколка и проценка на состојбата на терен. Состојбата е нормализирана.
Поради поројните врнежи водата за пиење е заматена и се препорачува да се преврива најмалку 10 минути.
Нивото на Црна река кај село Бучин е покачено но водата на местата каде што беше излеана е повлечена.
Екипи од ЈП „Комуна“, ТППЕ „Крушево“, ЕЛС „Крушево“ и надлежни служби интервенираат на зајакнување на насипите кај критичните точки.
Локалниот пат кон село Мренога е затворен за сообраќај поради оштетување на мост на Боишка Река. Надлежните служби ја обезбедуваат локацијата.
Во селото Лажани пријавена е штета кај еден жител поради поплавен двор и приземни простории и оштетување на тутунот.
Во селото Пешталево исто така имало поплавувања поради неисчистени канали.
Во двете села интервенираше градежна механизација за расчистување на каналите.
Патот кон Бање Тетово е исчистен но СВР Тетово го има забрането сообраќајот од безбедносни причини.
Патот кон село Жерма и кон село Бродец е прооден.
Состојбата во село Стримница, Општина Желино, се следи континуирано од надлежните служби.
