Амар Мециновиќ, кој беше кандидат за градоначалник на Скопје од редовите на Левица и заврши втор, се чини продолжува со активна кампања.
На неговите профили на социјалните мрежи објави видео во кое вети дека во наредните години што му се преостанати како пратеник во Собранието ќе подолжи да работи за граѓаните кои го избрале.
„Поставивме нови стандарди за како изгледа кампања, сега тоа ќе го направиме и со народниот пратенички мандат. Како што велат едни мудри луѓе: најдоброто допрва доаѓа!“, напиша Мециновиќ под видеото што Левица го споделија нагласувајќи „Сега сите 61.000 сте заедно со нас во Собранието!“, алудирајќи на бројот на гласови што Мециновиќ ги освои во вториот круг од локалните избори за градоначалник на Скопје.