СВР Скопје ги известува граѓаните дека утре, 16 април, со почеток во 20:00 часот поради одржување на меѓународен фудбалски натпревар на Националната арена „Тодор Проески“, Единицата за безбедност на патниот сообраќај ќе преземе мерки за посебен режим на сообраќајот на улиците околу арената.
СВР Скопје апелира до сите граѓани учесници во сообраќајот да ги почитуваат наредбите што ќе ги даваат полициските службеници.
Натпреварот помеѓу скопски Вардар и белградска Црвена звезда е од хуманитарен карактер оти целиот приход оди за настраданите во пожарот во дискотеката во Кочани. Досега се продадени над 20 илјади влезници.
Карти можат да се купат онлајн тука.
