Денеска директорот на ЈП „Паркинзи на Општина Центар“, Душко Коцевски, потпиша меморандум за соработка со „Нула Отпад“, со што започнува нова иницијатива за унапредување на еколошките практики и заштита на животната средина.
Во рамки на соработката, ЈП ПОЦ ќе обезбеди простор за поставување садови за ваков тип на отпад, а „Нула Отпад“ ќе го организира неговото безбедно собирање, транспорт и рециклирање согласно еколошките стандарди.
Дополнително, двете страни ќе соработуваат и во активности за подигнување на јавната свест за правилно селектирање, одлагање и рециклирање на отпадот.
„Ова е уште еден чекор кон поодговорно управување со отпадот, поголема јавна свест и одржливо навики кај граѓаните“, соопштија од ПОЦ.
„Преку партнерска соработка продолжуваме да ја креваме јавната свест за правилно селектирање и рециклирање на отпадот“, велат од непрофитна организација „Нула Отпад“.
