Сликата „ПРЕД“ од Барселона би била успех за Скопје!

Групата ентузијасти со цел подобро велосипедско Скопје „На Точак“ често споделува современи решенија за урбаните средини од градови ширум светот.

Идејата е да се покаже дека и големи инфраструктурни решенија се возможни, онаму кадешто има волја. Најновиот пример што го споделија е од сончевата Барселона, а она што го нагласуваат е дека Скопје би било подобар град за сите учесници во сообраќајот дури и со состојбата „ПРЕД“ од конкретната улица во Баарселона.

„Ние сѐ уште се бориме за слободни тротоари, за тргање на автомобилите и контејнерите од пешачките површини, за воведување велосипедски ленти кои се почитуваат (не се паркира на нив и покрај ниската заштита), за пристапни пешачки премини (видете ги рабниците и другите детали на сликата).

Ние се бориме за РЕДОТ на сликата ПРЕД, од 2022.

Оние градови како Барселона кои ги достигнале редот, одат на следно ниво, создавање уште поквалитетен и позелен јавен простор, сликата ПОТОА, од 2023“, велат од „На Точак“ и прашуваат дали „(старо)новите градоначалници ќе се заложат за воведување ред во јавниот простор во Скопје?“