Денеска во попладневните и вечерните часови ќе има локална нестабилност со пороен дожд, грмежи и услови за изолирано невреме со засилен ветер и појава на град.
УХМР за попладнево издаде жолт аларм на територијата на целата држава. Се очекува дожд кој ќе биде проследен со изолирано силно невреме. Оттаму најавуваат дека повеќе услови за нестабилност се очекува во источните краеви.
Во Скопје денеска е сончево и многу топло со мала до умерена облачност. Попладне во делови од котлината ќе биде нестабилно со пороен дожд, грмежи и засилен ветер.
Дождот можеби ќе помогне и го гаснењето на неколкуте активни пожари.
Поради брз продор на посвежа воздушна маса од север, утре времето ќе биде малку посвежо. Од сабота следува период на сончево и многу топло време со пораст на дневните температури. Особено топло ќе биде во првата половина од следната седмица кога температурата наместа се очекува да надмине 40 степени.
