Регулаторната комисија за енергетика информира дека денес, 15 април, завршува грејната сезона и почнува т.н. преоден период, кој трае до 30 април.
Од утре, па сè до крајот на април, доколку прогнозираната средна надворешна температура за следниот ден е еднаква или помала од 12 степени Целзиусови, снабдувачот е должен во грејните простории, во времето од 6 до 22 часот во текот на денот, да обезбеди температура на греење од 20+1 степени Целзиусови.
Означувањето на крајот на грејната сезона е во согласност со правилата за снабдување со топлинска енергија и тарифниот систем за продажба на топлинска енергија.
