Бугарскиот претседател Румен Радев изјави дека поднесува барање до парламентот за одржување референдум за тоа дали земјата ќе го усвои еврото како своја валута.
„Бугарија, како полноправна членка на Европската Унија, се соочува со стратешка одлука - воведување на единствената европска валута“, рече Радев во национално обраќање.
Тој нагласи дека референдумот ќе биде тест за демократијата на Националното собрание и ќе покаже кој ги следи принципите на демократијата, а кој им го негира правото на Бугарите да ја одредат својата иднина.
„Референдумот ќе биде спас за бугарската демократија“, рече тој.
Патот кон еврозоната не беше лесен за Бугарија. Во 2024 година, Европската централна банка објави дека земјата не може да се приклучи на валутната унија бидејќи инфлацијата во земјата е превисока.
Во февруари оваа година, полицијата во Софија се судри со демонстрантите кои бараа владата да се откаже од плановите за приклучување кон еврозоната.
Новата влада, формирана минатиот месец, го направи членството во еврозоната клучен приоритет, но не се сите убедени дека Бугарија е подготвена да се приклучи кон еврозоната.
Некои економисти тврдат дека земјата нема економска стабилност за да се приклучи на еврозоната и сè уште не е подготвена да ја усвои единствената валута.
