Портпаролот на BBC, телевизијата за која Сузана Васиљевиќ, советничка на претседателот на Србија која изјави дека „измислувала вести“ кога работела таму, соопшти дека Васиљевиќ никогаш не била вработена во британскиот јавен сервис.
Васиљевиќ беше гостинка на еден телевизиски канал каде зборуваше за тоа како да се спречи ширењето на дезинформации и, на изненадување на присутните, призна дека во 2000 година, додека работела како новинарка за BBC, измислиле војна во Црна Гора - за да можат да поминат три месеци во Свети Стефан.
„Ние во BBC измислувавме приказни за да... Измисливме војна во Црна Гора, односно можноста Милошевиќ да ја нападне Црна Гора во 2000 година, пред неговите последни избори, т.е. Мило Ѓукановиќ, затоа што Мило му го сврте грбот - само за да можеме да поминеме три месеци на Свети Стефан“, рече Васиљевиќ.
😳😳😳 pic.twitter.com/0z5dmglpyO
— Žaklina Tatalović (@zaklina_prva) October 13, 2025
Во одговор до N1 Србија, BBC рекоа дека не знаат за што станува збор.
„Не го препознаваме ова реферирање на нашето известување. BBC е најдоверливата медиумска служба во светот и е посветена на точно, независно и непристрасно известување за публиката ширум светот“, соопшти медиумскиот сервис.
Тие нагласија дека Васиљевиќ никогаш не била вработена во BBC, туку дека работела како хонорарна соработничка за британскиот јавен сервис, последен пат во 2012 година.
