Два балони на топол воздух паднаа во централна Турција, при што загина најмалку едно лице, а 19 други се повредени, објави денес државната телевизија TRT.
Се наведува дека еден од пилотите на балонот загинал.
Несреќата се случила за време на летот што започнал во живописната долина Ихлар, дел од регионот Кападокија, главна туристичка дестинација позната по своите драматични пејзажи и возења со балони што привлекуваат стотици илјади посетители секоја година.
Причината за несреќата сè уште не е утврдена.
