Американскиот претседател синоќа го повика Путин по средбите со Зеленски и европските лидери.
„На крајот од средбите, го повикав претседателот Путин и започнав подготовки за состанок, на локација што ќе се утврди дополнително, меѓу претседателот Путин и претседателот Зеленски“, рече Трамп, додавајќи дека потпретседателот на САД, ЏејДи Венс, државниот секретар Марко Рубио и специјалниот пратеник Стив Виткоф ќе ги координираат аранжманите меѓу двете земји.
„Потоа ќе следи трилатерален состанок со мене“, рече Трамп.
President Donald J. Trump on the phone with President Putin in the Oval Office. pic.twitter.com/RkWReNAT2b
— The White House (@WhiteHouse) August 19, 2025
Ова беше индиректно потврдено од руската страна. Телефонскиот разговор меѓу Трамп и Путин траел 40 минути, објави агенцијата РИА, повикувајќи се на претставникот на Кремљ, Јуриј Ушаков.
„Беше разговарано дека би било вредно да се испита можноста за подигнување на нивото на претставници што учествуваат во директните преговори од украинската и руската страна“, рече Ушаков.
Трамп и Путин се согласија да останат во близок контакт за украинската криза и други прашања, рече Ушаков.
