Boeing удри во Airbus на пистата во Ханој, отсекувајќи му го крилото

Vietnam Airlines суспендираше 4 пилоти откако Boeing удрил во паркиран Airbus на пистата, при што му бил оштетен стабилизаторот.

Авион на Vietnam Airlines се судрил со друг авион на истата компанија на аеродромот „Нои Баи“ во Ханој. Снимките објавени на социјалните мрежи го покажуваат моментот кога крилото го удира вертикалниот стабилизатор на Airbus при судирот на пистата.

Судирот се случил околу 14 часот во петокот, кога Boeing 787 се движел кон пистата и удрил во Airbus А321 паркиран на платформата, кој чекал да полета за Диен Биен, објави VNExpress. Снимките покажуваат како десното крило на Boeing-от го сече стабилизаторот на „Ербасот“ и минува низ него.

Vietnam Airlines по несреќата суспендираше 4 пилоти, по двајца од секој авион. Причина сè уште не е утврдена. Прелиминарните наоди укажуваат дека Airbus-от не бил правилно паркиран.