Полјачката Јулија Ванделт (24), која тврдеше дека е Маделин Мекен, е прогласена за виновна за вознемирување на семејството на исчезнатото девојче.
Таа беше прогласена за виновна за спроведување обемна кампања, вклучувајќи телефонски повици, оставање пораки и појавување во домот на Маделин, која исчезна во португалското одморалиште Праја да Луж во 2007 година.
По петнеделно судење, поротата ја прогласи Ванделт за виновна за следење. Нејзината кообвинета, Карен Спраг, беше ослободена.
Судијката ја осуди Ванделт на 6 месеци затвор, кои веќе ги отслужи во притвор.
На судот му беше кажано дека на Ванделт ѝ е доставена наредба за депортација, а исто така ѝ е изречена и забрана за приближување кон семејството на Меделин.
На судењето се слушна дека Ванделт тврдела дека има сеќавања, предизвикани од сеанси на хипноза, дека била киднапирана и живеела со Мекенови како дете. Таа рече дека ова вклучувало хранење на помладиот брат на Медилин, Шон, и играње игри.
Таа, исто така, се обиде да убеди „секој што е спремен да слуша“ дека таа е Меделин и дека била киднапирана од Португалија и злоупотребена со други девојки во Полска.
Ванделт ѝ се јавила и ѝ испратила пораки на мајката на Меделин повеќе од 60 пати во еден ден во април минатата година.
