Иран лансираше беспилотни летала кон американски воени бродови во Оманскиот Залив, соопшти полуофицијалната новинска агенција تسنیم (Тасним), која е блиска до Иранската револуционерна гарда, кратко откако американските сили запленија ирански товарен брод.
Засега нема извештаи за штети. Иранската команда Хатам ал-Анбија, која ги координира сите гранки на вооружените сили, претходно ја нарече американската операција кршење на прекинот на огнот и рече дека ќе одговори на она што го нарече „чин на вооружено пиратство од страна на американската морнарица“.
Tehran 'attacks US ships with drones' as new images of daring raid on Iranian tanker emerge and oil prices surge - Live updates https://t.co/JZPJD5MRoE
— Daily Mail (@DailyMail) April 20, 2026
Американците го нападнаа бродот откако го онеспособија
За потсетување, американската Команда за Блискиот Исток (CENTCOM) објави видео утрово на кое се гледаат маринци од хеликоптери како упаѓаат на иранскиот брод Touska во Оманскиот Залив.
Според американските извештаи, бродот претходно бил онеспособен откако разорувачот USS Spruance отворил оган врз неговата машинска просторија, а потоа маринците ја презеле контролата врз бродот. САД тврдат дека претходно му биле дадени неколкучасовни предупредувања на екипажот.
U.S. Marines depart amphibious assault ship USS Tripoli (LHA 7) by helicopter and transit over the Arabian Sea to board and seize M/V Touska. The Marines rappelled onto the Iranian-flagged vessel, April 19, after guided-missile destroyer USS Spruance (DDG 111) disabled Touska’s… pic.twitter.com/mFxI5RzYCS
— U.S. Central Command (@CENTCOM) April 20, 2026
Војната трае два месеца, Ормускиот Проток е сè уште клучна точка
Војната меѓу САД и Иран започна по нападите на САД и Израел врз иранските воени цели и раководство, на што Техеран одговори со блокирање на Ормускиот Проток, низ кој минува околу една петтина од светската нафта.
Потоа САД започнаа блокада на иранските пристаништа и распоредија дополнителни сили во Оманскиот Залив и Арапското Море, тврдејќи дека тие обезбедуваат слобода на пловидба и ги заштитуваат трговските бродови.
