Макрон ѝ шепка, Мелони превртува очи

Средбата на Г7 во Канада, покрај тоа што беше можност за билатерални и други средби меѓу лидерите, повторно беше во центарот на вниманието поради реакциите на италијанската премиерка Џорџа Мелони.

Пред почетокот на сесијата, камерите го забележаа моментот кога францускиот претседател Емануел Макрон ѝ се приближи на италијанската премиерка и ѝ кажа одредени работи „во доверба“.

Иако светските лидери се обидуваат да задржат безизразен изглед на лицето, Мелони не можеше да ја скрие својата реакција на она што ѝ го кажа Макрон и во еден момент го погледна Макрон, а потоа „преврте очи“.

Сè уште не е познато за што разговарале Макрон и Мелони во тој момент, но сите забележаа дека Мелони гледа во насоката каде што седеше Доналд Трамп.

Италијанската премиерка се огласи кратко по состанокот на Г7 и рече дека ја искористила можноста да разговара со американскиот претседател Доналд Трамп.

„Разговаравме за големи меѓународни прашања, со посебен фокус на ситуацијата во Иран и на Блискиот Исток. Исто така, се осврнавме и на прашањето за економските односи меѓу ЕУ и САД, повторувајќи ја важноста од зајакнување на трансатлантската соработка“, рече Мелони.