Суд во Тунис осуди 56-годишен маж на смрт поради објави на социјалните мрежи во кои го критикува претседателот Каис Саид, во пресуда без преседан што предизвика шок и јавна осуда. Шефот на Туниската лига за човекови права и адвокатот на мажот ја потврдија пресудата во петок.
Осудениот, Сабер Чушан, работник со ограничено образование, беше уапсен минатата година поради објави на Тунис во кои го критикува претседателот.
„Судија во суд во Набел осуди човек на смрт поради објави на Тунис. Тоа е шокантна пресуда без преседан “, изјави неговиот адвокат, Усама Бутаља, за Reuters, додавајќи дека пресудата е во жалба.
Министерството за правда не даде веднаш коментар за случајот.
Иако туниските судови повремено изрекуваат смртни казни, ниту една не е извршена повеќе од три децении.
Семејството на осудениот е во неверица. „Не можеме да веруваме“, рече братот на Сабер, Џамал Чушан. „Ние сме семејство кое страда од сиромаштија, а сега на сиромаштијата ѝ се додадени угнетување и неправда.“
Пресудата веднаш предизвика бран критики и потсмев на социјалните медиуми. Многу активисти и граѓани веруваат дека ова е намерен обид да се заплашат критичарите на претседателот Саид и предупредуваат дека ваквите драстични мерки би можеле дополнително да ја задушат слободата на изразување и да ги продлабочат политичките тензии во земјата.
Откако претседателот Саид го распушти избраниот парламент во 2021 година и почна да владее со декрет, Тунис се соочува со зголемени критики од организациите за човекови права за ерозија на независноста на судството.
Опозицијата го нарече преземањето на власта од страна на Саид државен удар, а повеќето опозициски лидери, кои претседателот ги етикетира како предавници, се во затвор по разни обвиненија.
