Двајца морнари се водат како исчезнати, а 23 се спасени по нападот врз танкер за нафта во Ормускиот Проток, потврдија властите на Оман. Танкерот El Gaia, кој плови под знамето на Панама, беше нападнат во вторникот и сега се влече кон пристаниште во Оман, пренесува BBC.
Центарот за поморска безбедност на Оман соопшти дека по нападот избувнал пожар во машинското одделение на бродот. Инцидентот се случил на 1,3 наутички милји (2,4 километри) северно од полуостровот Мусандам.
Во понеделникот, иранската Револуционерна гарда објави дека танкерот удрил во морски мини и се запалил додека минувал низ рута што тие ја опишаа како ограничена и небезбедна. Американската војска ги отфрли овие тврдења како лажни.
Според нивните информации, танкерот бил погоден од иранска ракета минатиот месец, а од беспилотно летало (дрон) изминатиот викенд. Организацијата за поморски трговски операции на Обединетото Кралство (UKMTO) исто така извести дека добила известување за пожар на брод, кој бил погоден од непознат проектил додека минувал низ теснецот во раните утрински часови во неделата.
Сличен инцидент се случи претходно овој месец, при што загинаа двајца филипински морнари на саудиски супертанкер. Тогаш, Револуционерната гарда исто така тврдеше дека бродот SIDR се запалил откако удрил во морска мина.
