Американскиот претседател Доналд Трамп предизвика нови реакции во јавноста откако објави мапа на која Ормутскиот Теснец е преименуван и јасно означен како „Трампов Теснец“.
Оваа објава се појави на неговата платформа Truth Social, само половина час откако Wall Street Journal објави ексклузивен извештај за идните планови на Вашингтон во врска со тековниот конфликт.
Според извештајот, Трамп категорично го отфрлил иранскиот предлог за седумдневен прекин на огнот, нагласувајќи дека очекува воените напади врз Иран да продолжат веднаш по изборите во САД во ноември.
Уште на 2 септември, Трамп отворено ја пласираше идејата за преименување на овој витален воден пат по своето име во објава на Truth Social, тврдејќи дека теснецот веќе е под директна контрола на САД.
New media post from Donald J. Trump
— Commentary Donald J. Trump Truth Social Posts On X (@TrumpTruthOnX) September 26, 2026
( TS: Sep 25 2026, 8:56 PM ET ) pic.twitter.com/unnQ7EPvvI
Неговите намери станаа уште појасни минатиот месец кога – неколку дена откако на предизборен митинг најави дека ќе издаде официјална декларација за ова прашање – објави слична мапа во која теснецот експлицитно се опишува како „нова територија на САД“.
Ормутскиот Теснец е во центарот на глобалното внимание во последните месеци, со оглед на тоа што низ него се транспортира приближно една петтина од светската нафта.
Ситуацијата драстично се промени на 28 февруари, кога САД и Израел официјално започнаа војна против Иран. Веднаш на почетокот на конфликтот, Иран почна да го блокира теснецот како мерка за одмазда, што веднаш предизвика голем шок на пазарот и глобален пораст на цените на енергенсите.
Иако ситуацијата се следи секојдневно, обемот на поморскиот сообраќај низ теснецот останува значително под нивоата од пред војната.