Германскиот медиум Bild објави дека се случил инцидент на летот на Turkish Airlines за Диселдорф, Германија, во кој патник удрил стјуардеса откако таа одбила да го премести на друго седиште.
Имено, мажот не сакал да седне на своето обележано седиште бидејќи до него имало жена. Тој се повикал на шеријатскиот закон и побарал друго седиште, но стјуардесата одбила да го помести.
Во тој момент, според сведоците, мажот ѝ удрил шамар на стјуардесата.
Веднаш откако авионот слетал на аеродромот во Диселдорф, полицијата била повикана за да добие пријава за напад. Федералната полиција во Германија спроведува детална истрага, а мажот признал дека ја удрил стјуардесата.
Патем, сè се случило на 1 јули годинава, а осомничениот е 29-годишен Германец со турско потекло.
