Неколку лица се повредени откако предниот дел на авионот Boeing 787 на авиокомпанијата Lufthansa неочекувано падна додека се паркираше на аеродромот во Франкфурт.
„Патниците сè уште се немаа качено во тој момент“, изјави портпаролот на компанијата, додавајќи дека членовите на екипажот и аеродромскиот персонал биле во авионот во времето на инцидентот.
Портпаролот соопшти дека се повредени неколкумина членови на персоналот.
Портпарол на Boeing изјави дека компанијата е свесна за инцидентот, но не даде дополнителни детали.
„Моментално ги истражуваме точните околности со надлежните органи“, додаде Lufthansa.
Инцидентот се случил во 12:45 часот, пред авионот да полета за Лос Анџелес.
Локални медиуми пренесуваат дека станува збор за речиси нови авион, испорачан во јануари 2026 година, и дека претрпел значителни оштетувања на предниот труп.
