Пакистан го објави примирјето меѓу Иран и САД

Пакистанскиот премиер Шехбаз Шариф објави дека Исламската Република Иран и Соединетите Американски Држави, заедно со нивните сојузници, се согласиле на моментален прекин на огнот. Според него, прекинот на огнот важи за сите области, вклучително и Либан, и стапува на сила веднаш.

„Топло го поздравувам овој мудар гест и ја изразувам мојата најдлабока благодарност до раководството на двете земји“, рече Шариф. Тој, исто така, ги покани делегациите од вклучените страни во Исламабад во петок, 10 април, за да продолжат преговорите за конечен договор за решавање на сите спорови.

Искрено се надеваме дека ‘Преговорите во Исламабад’ ќе успеат да постигнат одржлив мир и со нетрпение очекуваме да споделиме повеќе добри вести во наредните денови“, заклучи пакистанскиот премиер.

Американската војска ги прекина нападите во Иран, изјави американски функционер. Од почетокот на војната, САД нападнаа повеќе од 13.000 цели во Иран, соопшти Централната команда на САД.

Американскиот претседател Доналд Трамп претходно изјави дека се согласил на двонеделен прекин на огнот со Иран. Тој постави услов за повторно отворање на стратешки важниот Ормуски Проток.

Иранскиот министер за надворешни работи, Абас Арагчи, изјави дека во текот на двете недели иранската војска ќе обезбеди безбеден премин низ Ормускиот Проток.