Според новите податоци од летот, еден од пилотите на товарниот авион на Аmazon кој учествуваше во несреќата во неделата во Мајами, Флорида, предупредил дека авионот лета пребрзо – само неколку моменти пред да слета надвор од пистата, да удри во други возила и да се запали.
Во новиот извештај на Националниот одбор за безбедност на транспортот на САД (NTSB) се наведува дека еден пилот постојано го предупредувал другиот во пилотската кабина за „прекумерната брзина“ на авионот, но изостанал „конзистентен вербален одговор“, дури и откако се огласило предупредување за висината.
Брзината при слетувањето на авионот Boeinga 767-300 изнесувала 158 јазли (292 км/час) – брзина што експертите ја сметаат за многу голема. NTSB ја истражува несреќата во која загинаа пет лица, а пет други беа повредени.
Податоците за летот објавени од NTSB ја вклучуваат брзината и висината на авионот, како и други детали, како што е активирањето на закрилците додека авионот се приближувал кон пистата.
Извештајот содржи и резиме на разговорот меѓу двајцата пилоти. Во него се забележува дека предупредувањата на едниот пилот во врска со прекумерната брзина продолжиле до крајот на снимката, исто како и неконзистентните вербални одговори на другиот пилот.
Дополнително, во извештајот се наведува дека за време на последните минути од летот се огласило електронско предупредување „sink rate, sink rate“ – автоматски безбедносен сигнал што укажува на прекумерна брзина на спуштање. Исто така, се огласило и електронското предупредување „too low terrain“ – уште едно автоматско гласовно предупредување што укажува дека авионот лета прениско и не е соодветно подготвен за слетување.
🚨 Deadly plane crash in Miami: cargo Boeing plows into parking lot after landing
— NEXTA (@nexta_tv) September 7, 2026
A Boeing 767-300 cargo aircraft veered off the runway while landing, rolled into a parking lot and caught fire.
According to the latest reports, 5 people were killed and 5 others injured. Miami… pic.twitter.com/EFitMCVXag
Адвокатот специјализиран за воздухопловство, Пабло Рохас, изјави за CBS News дека без самата снимка е тешко да се знае што точно мислел NTSB кога навел дека вербалните одговори биле неконзистентни.
Рохас истакна дека податоците за активирањето на закрилците, кои NTSB ги вклучил во извештајот, исто така може да бидат причина за загриженост. Закрилците се наоѓаат на задниот дел од крилото и „му помагаат на авионот да забави и благо да се приближи кон слетувањето“, објасни тој.
„Активирањето на закрилците овде се случи многу подоцна во низата настани. Ова можеби се должи на тоа што пилотите реагирале на фактот дека летале пребрзо“, истакна Рохас.
Летот на Amazon Prime Air (лет број 7598) удри во опрема на земјата, потоа во бело комбе Ford, пред да продолжи низ заштитната ограда. Потоа удри во автомобил Toyota Corolla, пред да запре на околу 394 метри пред крајот на пистата.
Петтемина загинати беа членови на екипажот за чистење на авионот кои се наоѓале во комбето. Во вторникот, властите во Мајами ги идентификуваа како: 55-годишниот Роландо Алеман Леон, 53-годишниот Јоел Родригес Нарањо, 75-годишниот Хулио К. Пинеда, 53-годишниот Карлос Акоста Фахардо и 47-годишниот Хавиеркис Рејес Кеведо.
