Португалскиот оператор на електричната мрежа REN објави дека прекинот на електричната енергија што ја погоди Португалија е предизвикан од дефект во шпанската електрична мрежа, поврзан со „редок атмосферски феномен“.
REN наведува дека екстремните температурни разлики во Шпанија предизвикале „аномални осцилации“ на високонапонските водови.
Овој феномен се нарекува „индуцирана атмосферска варијација“, што потоа довело до осцилации што предизвикале дефекти во синхронизацијата на енергетските системи.
Целосната нормализација може да потрае до една недела.
Ова предизвика последователни прекини низ целата меѓусебно поврзана европска мрежа, додава REN.
Поради сложеноста на ситуацијата, REN предупредува дека целосната нормализација на електричната мрежа може да потрае и до една недела.
За потсетување, големи делови од Шпанија и Португалија денес останаа без електрична енергија.
Шпанските радиостаници објавија дека дел од мадридското метро е евакуиран.
Во центарот на градот имаше сообраќаен метеж бидејќи семафорите престанаа да работат.
Португалската полиција објави дека семафорите се исклучени низ целата земја, метрото во Лисабон и Порто е затворено, а возовите не сообраќаат.
