Русија во текот на ноќта започна бран напади со беспилотни летала и ракети врз западна Украина, таргетирајќи области далеку од линијата на фронтот, објавија денес украинските медиуми и официјални лица.
Експлозиите се регистрирани во градовите Лавов, во близина на границата со Полска, Черновци, во близина на границата со Романија, како и во северозападниот град Луцк, објавија медиумите.
По нападот, избувна пожар во зграда во Лавов, објави градоначалникот Андриј Садовји.
❗️🇺🇦 Overnight, Russia again launched a large-scale strike on multiple Ukrainian cities:
— Visioner (@visionergeo) July 12, 2025
Lviv: Part of an apartment building entrance was destroyed, causing gas and water leaks. Preliminary reports indicate no casualties.
Lutsk: A private house was destroyed; blast waves and… pic.twitter.com/q8WghJLNCW
Украинските воздухопловни сили претходно предупредија за пристигнување на балистички ракети и беспилотни летала лансирани од Русија и насочени кон запад. Според официјални извори, биле видени беспилотни летала како се приближуваат кон областите Тернопол и Волињ.
Сирени за воздушен напад биле активирани во Волиње, а властите ги повикале жителите да останат во засолништа.
За време на нападот, Полска распореди борбени авиони за да го заштити својот воздушен простор, објавија полските вооружени сили на платформата X.
