Американскиот претседател Доналд Трамп објави дека поддршката и признавањето на палестинската држава од страна на Канада ќе го отежни склучувањето трговски договор меѓу двете земји, објави Si-TV News.
„Бај! Канада штотуку објави дека ја поддржува палестинската државност. Тоа многу ќе ни го отежни склучувањето трговски договор со нив. О, Канада!!!“, напиша Трамп на мрежата Truth Social.
Објавата дојде еден ден пред рокот на Трамп на 1 август за трговски договор, а американскиот претседател претходно изјави дека ќе воведе царини од 35% на канадските стоки ако двете страни не постигнат договор.
Канадскиот премиер Марк Карни вчера изјави дека можеби нема да ги заврши преговорите со САД до 1 август бидејќи претседателот објави нови трговски мерки, што би можеле да им го отежнат бизнисот на некои канадски компании.
Канада има намера да ја признае државата Палестина во септември на седницата на Генералното собрание на ОН, изјави канадскиот премиер.
Тој, како што објави Reuters, рече дека оваа одлука се темели на фактот дека Палестинската Самоуправа ќе спроведе реформи, вклучително и фундаментална реформа на институциите, и ќе одржи општи избори во 2026 година, на кои Хамас нема да учествува.
