Прашањето на Кејтлан Колинс од CNN за неодамна објавените, обемно редактирани досиеја за Џефри Епстин предизвика силна реакција од претседателот на САД.
Разбеснетиот Доналд Трамп повторно ја навреди новинарката на CNN кој го праша за милионите страници документи и реакциите на жртвите на Епстин, објави Deadline.
„Вие сте најлошата новинарка“, ѝ рекол Трамп на главната дописничка на CNN од Белата куќа во Овалната соба. „Не е ни чудо што CNN нема гледаност, поради луѓе како вас.“
Трамп продолжи: „Знаете, таа е млада жена. Мислам дека никогаш не сум ве видел да се смеете. Ве познавам 10 години. Мислам дека никогаш не сум видел насмевка на вашето лице. Знаете зошто? Знаете зошто не се смеете? Затоа што знаете дека не ја кажувате вистината и затоа што вие - вие сте многу нечесна организација и треба да се срамите од себе.“
President Trump argues the country should move on from the Epstein files and lashes out when asked about the survivors' response to the latest release from the Justice Department. pic.twitter.com/NB2IJntX3h
— Kaitlan Collins (@kaitlancollins) February 4, 2026
Пред Колинс да може да постави друго прашање за жртвите на Епстин и членовите на администрацијата споменати во спорадично редигираните документи, Трамп продолжи да прашува друг новинар. Набргу потоа, додека помошниците на Белата куќа ги брзаа новинарите да излезат од просторијата, можеше да се чуе како Трамп сè уште се жали на Колинс.
