Трамп со нов гаф го „запали“ интернетот: Исламска Република Јапонија

Претседателот на Соединетите Американски Држави, Доналд Трамп, денеска го помеша сегашниот американски противник со непријател од далечното минато кога погрешно им кажа на новинарите дека американските носачи на авиони биле нападнати од јапонските сили, за време на билатералната средба со украинскиот лидер Володимир Зеленски.

Американскиот претседател беше среде непланираната прес-конференција покрај украинскиот лидер кога почна да ги величи доблестите на американското одбранбено оружје по она што го нарече напад врз американскиот брод U.S.S. Abraham Lincoln.

„Имавме 111 ракети испукани од Исламска Република Јапонија. Тие беа испукани кон носач на авиони во период од околу еден час. 111 ракети насочени кон многу скап брод, и секоја од тие ракети беше соборена, практично од Patriot, но и со други средства“, рече тој.

Американскиот претседател се чинеше дека се осврнува на нападот на иранските сили врз американскиот носач на авиони претходно оваа година, но наместо тоа го припиша нападот на Јапонија - земја која не испукала ниту еден куршум против САД речиси еден век.

Вооружените сили на Јапонија некогаш им се закануваа на американските носачи на авиони и другите поморски средства за време на Втората светска војна, но откако САД ја победија Јапонија во 1945 година, двете земји станаа блиски сојузници и остануваат такви и денес. Покрај тоа, модерна Јапонија е уставна монархија без официјална религија и мало муслиманско население од околу 420.000, од ​​кои само десет проценти се етнички Јапонци, а останатите се странски државјани.

Корисниците на интернет, особено твитерџиите, не потфрлија во играњето мајтап со овој гаф на Трамп: