Рускиот претседател Владимир Путин денес ја надгледуваше заедничката руско-белоруска воена вежба „Запад-2025“.
На изложбата учествуваа 65 организации, презентирајќи 405 производи, од кои 125 се купуваат и користат во зоната на специјални воени операции, 194 се тестираат во борбени услови, додека 86 имаат статус на „прототипови“.
„Целта на оваа вежба е да се обучат сите потребни елементи за безусловна заштита на суверенитетот, територијалниот интегритет и одбраната од каква било агресија против државата“, рече Путин.
Тој рече дека вежбите се одржуваат на 41 полигон за обука, во кои учествуваат 100.000 војници и околу 10.000 единици оружје и опрема.
„Сето ова е модерна технологија што се користи во практични борбени операции, а плановите за овие вежби се базираат на искуството стекнато за време на специјалните воени операции. Постојат околу 10.000 модели на разни видови опрема, вклучувајќи 333 авиони - тактичка, стратешка и воена транспортна авијација“, рече тој.
Тој исто така изјави дека во вежбата се вклучени повеќе од 247 бродови, вклучувајќи површински бродови, подморници и помошни бродови.
Да потсетиме дека вежбите се одржуваат само неколку дена откако полските и силите на НАТО соборија беспилотни летала што го нарушија полскиот воздушен простор за време на најголемиот воздушен бараж на Русија врз соседна Украина.
