Украинскиот претседател Володимир Зеленски изјави дека Русија во последните неколку недели двапати се обидела со дронови да го нападне авионот со кој патувал.
„Мојот претседателски авион беше во Молдавија и затоа ја нападнаа Молдавија. Кога се враќавме дома, повторно преку Кишињев, го направија истото“, изјави Зеленски во интервју за CBS News.
Според него, при враќањето од Молдавија претходно месецов, еден или два дрона навлегле во молдавскиот воздушен простор. Зеленски оцени дека инцидентите се дел од руската стратегија за заплашување на него и на други странски лидери.
