Британските ветеринари препорачуваат домашните мачки да не се пуштаат надвор, како превентивна мерка против ширењето на новиот коронавирус, пишува BBC.
Сепак, сопствениците на мачки не мора да се грижат дека ќе се заразат од нивните животни, додаваат од Британската ветеринарна асоцијација.
– Нема случај на домашно милениче, куче или мачка, кое го заразило својот сопственик со COVID-19, рече д-р Анжел Алмендрос, од Градскиот универзитет во Хонгконг.
Мачките е добро да не излегуваат надвор, затоа што новиот коронавирус може да остане на нивното крзно, како и на која било друга површина, доколку тие биле во контакт со заразено лице.
Затоа, забраната за излегување треба да се однесува и на домашните миленичиња.
Да се потсетиме дека пред неколку дена, тигар во зоолошката градина во Њујорк беше позитивен на коронавирусот, што е првиот потврден случај на заразено животно со COVID-19 во САД и во светот.
Зоолошката градина Бронкс затвори на 16 март, како дел од мерките за спречување на ширењето на пандемијата на коронавирусот.