Сквотови или чучњеви, како и да ги викате, незаменливи се за градење на стегнат задник.
Сепак, правилната изведба на оваа вежба (и на сите вежби!) е многу поважна од тоа колку серии ќе направите. Повеќето луѓе се спуштаат надолу додека бутовите не им бидат паралелни со колената, но има совршена техника како правилно да се изведе длабок сквот.
Неодамнешното истражување откри дека способноста да се изведе длабок сквот не само што е знак на одлична кондиција и подвижни колкови, туку исто така може да ви помогне да избегнете многу проблеми предизвикани од седечкиот начин на живот.
Многумина сметаат дека не можат да изведат длабок сквот , но јутјуберот Хемптон, кој го води фитнес-каналот HybridCalisthenics, објави кратко видео во кое ги охрабрува луѓето да го сторат тоа, чекор по чекор.
Предлогот на Хемптон е да најдете позиција или движење што ви одговара и вежбајте го тоа еднаш или двапати неделно преку два до три сета, сè додека не се чувствувате подготвени за следната фаза. На крајот, кога ќе поминете низ низа варијации на сквотот, ќе можете да влезете и длабоко. Ќе можете да се држите и да се релаксирате во длабок сквот.
Фитнес инструкторите имаат само пофални зборови за сквотите и тоа од многу причини. Развиваат флексибилност во колената, стапалата и глуждовите, а исто така помагаат во секојдневниот живот, без разлика дали трчате и ви треба малку дополнителна сила во нозете или мора да се качувате по скалите бидејќи лифтот е расипан.
