Кенкајте колку сакате, но вежбањето е подобро во друштво. Ако си барате пријател да ве дружи на трчање воопшто не посегајте по телефонот, кучето на ланец и надвор низ врата.
Истражувањето спроведено од страна на Американската Здравствена Организација покажало дека од 57 до 77 отсто од луѓето со миленици вежбаат повеќе од 150 минути во неделата за разлика од тие кои вежбаат сами и едвај достигнуваат еден час физичка активност.
Научниците забележале дека луѓето кои вежбаат со своите миленици се дополнително мотивирани да најдат време за физичка активност. Тие чувствуваат одговорност кон одржување на дружбата со миленикот па, така, за да не го разочараат покажуваат поголема дисциплина и кон вежбањето.
Уште нешто: дури и прошетката со кучето се вбројува во физичка активност, а вашиот миленик ви го зголемува темпото на пешачење со што вие согорувате повеќе калории.