Сите посакуваме да имаме повеќе слободно време во денот, особено кога станува збор за вежбање.
Но, да бидеме искрени, многумина од нас се мачат да најдат доволно време во текот на неделата за да отидат во теретана. Неодамнешното истражување покажа дека повеќе не треба да се грижите за ова.
Зголемувањето на интензитетот на активност за време на викендите е исто толку ефикасно како и вежбањето во текот на целата недела, покажаа резултатите од студијата на Универзитетот во Сао Паоло.
Во истражувањето објавено во стручното списание JAMA Internal Medicine учествувале околу 350.000 луѓе, а податоците се собирале десет години.
Научниците ги забележаа разликите помеѓу тренингот во недела и викенд и дојдоа до интересен заклучок.
Податоците покажале дека видот и вкупната количина на вежбање се поважни од бројот на тренинзи. Така, експертите советуваат најмалку 150 минути вежбање со умерен интензитет или 75 минути интензивно вежбање. Исто така, за изгледот не е важно кога вежбате.
Откако направиле споредба на две групи вежбачи, едната која вежбала исклучиво за време на викендите, а другата која посетувала теретана секој ден, истражувачите откриле многу мала разлика меѓу нив, пред сè во однос на здравјето. Тоа би значело дека вежбањето за време на викендите е исто толку ефикасно како да вежбате неколку пати неделно.
„Наодите сугерираат дека поединците кои редовно се занимаваат со физичка активност, без разлика дали вежбаат исклучиво за време на викендите или секојдневно, имаат помала стапка на смртност од луѓето кои воопшто не вежбаат“, заклучуваат експертите.
Со оглед на тоа дека нема значајна разлика кога станува збор за споредба на двете групи, авторите на студијата потврдија дека поединците кои се занимаваат со препорачаното ниво на физичка активност имаат исти резултати без разлика дали ги изведуваат вежбите во текот на неделата или се концентрираат на вежбање за викенд.