Благодарение на новите безбедносни решенија, компаниите ќе можат брзо да ја потврдат автентичноста на корисниците за да ја намалат можноста за измама.
Viber воведе два нови типа на пораки, воведени со цел дополнително да се заштити комуникацијата што се одвива помеѓу компаниите и корисниците преку оваа платформа.
Благодарение на нив, компаниите сега ќе можат брзо да ја проверат автентичноста на корисниците, со цел да се намали можноста за измама и да се направи комуникацијата побезбедна.
- Пораки за верификација - Овие пораки претставуваат безбеден и лесен начин за проверка на автентичноста на клиентите преку еднократни шифрирани лозинки (OTP - One time passwords), кои компаниите ги испраќаат до корисниците со одреден период на испорака.
Кога корисниците ќе ја добијат Viber пораката за верификација, ќе можат брзо да го копираат ПИН-кодот користејќи го копчето „Копирај“ во кореспонденцијата и да, преку „пуш-нотификација“ без да ја отворат апликацијата Viber, брзо и лесно можат да ја потврдат автентичноста.
- Дополнителни обезбедени пораки (SecurePlus messages) - Обезбедуваат уште повисоко ниво на безбедност со проверка на бројот на примачи за да се утврди дали тие можеби биле претходно исклучени поради потенцијална активност на измама.
Приватните и чувствителни информации, како што се податоци за трансакциите или изводи од банка, се доставуваат само откако Viber ќе ја потврди доверливоста на примачот во реално време.
Новите ажурирани верзии на апликацијата се надополнети со сертификацијата Type SOC II на Rakuten Viber – ригорозна безбедносна ревизија која потврдува сеопфатни мерки за заштита на податоците во апликацијата.
Viber им овозможува на корисниците шифрирање при транзит за комуникација меѓу бизнис и корисник – додека притоа одржува шифрирање „од-крај-до-крај“ за приватни и групни разговори и приватни повици.
Дополнителна безбедност значи дека приватните пораки никогаш не се складираат на серверите на оваа супер-апликација и дека сите врски се целосно заштитени со HTTPS.
