Стрелецот на првиот гол во вчерашното дерби верува дека Интер е кадарен конечно да ја освои титулата во Серија А.
Артуро Видал синоќа во 12. минута со глава го отвори резултатот по одличното нафрлување на Николо Барела. За Чилеанецот ова е прв гол сезонава во Серија А, а дојде во најважниот натпревар и тоа токму против неговиот поранешен тим Јувентус.
„Беше многу тежок натпревар против најдобриот тим во Италија. Мило ми е што го постигнав мојот прв гол за Интер, многу сум среќен. Мислам дека докажавме дека сме достојни на задачата да се бориме за Скудетото“, изјави тој за Sky Sport Italia. Всушност, ова е негов втор гол откако во средата ѝ дале гол на Фиорентина, но во купот.
Победата секако на играчите на Интер ќе им ја зголеми самодовербата во борбата за врвот кој сѐ уште љубоморно го чува изненадувањето Милан.
„Тоа ни дава самодоверба да продолжиме понатаму, да веруваме дека можеме да го освоиме Скудетото бидејќи го победивме најдобриот тим изминативе девет години. Верувам дека можеме да одиме до крај“, заврши Видал.
Следниот предизвик за Интер е саботното гостување кај Удинезе на Илија Несторовски.