За многумина визирите се покомотни за носење од маските за време на пандемијата со коронавирусот, но експертите сметаат дека удобноста не треба да биде заменета со заштитата.
Нова визуелизација од Флорида Атлантик Универзитетот покажа колку неефективни се визирите кога станува збор за ширењето на вирусот преку респираторните капки кои успеваат да избегаат од устата.
„Зголемен е бројот на луѓе кои не носат маски туку само визири“, вели професорот Сидарта Верма.
Од Центарот за контрола и превенција на болести велат дека визирите примарно се користеа за заштита на очите, а не како замена за маска. Токму затоа е спроведено истражување за визирите, дали и колку можат да заштитат од ширење на вирусот. Резултатите покажале дека визирите можат да штитат од понатамошно движење на капките при кашлање и кивање, но сепак наоѓаат пат да се шират низ врвот, дното и странично, според студијата.
Истражувачите сугерираат дека визирите не треба да се користат како алтернатива туку во комбинација со традиционалните хируршки маски или N95 маските.