Повеќето луѓе замрзнуваат шумско овошје и други сезонски плодови како што се праски и кајсии, но и разни други зеленчуци и ги оставаат за на зима. Познато е дека месото не смее предолго да се држи во замрзната состојба бидејќи подоцна станува опасно по здравјето. Треба да се обрне внимание и на некоја храна за која ваквиот начин на складирање воопшто не се препорачува.
Меѓутоа, не може сите намирници да се чуваат на температури под нулата, предупредува руската нутриционистка Марија Мухика. Замрзнувачот и ниските температури го менуваат составот на некои намирници, вели таа.
Овој процес особено му штети на зелениот зеленчук бидејќи му ги уништува хранливите состојки, витамините и антиоксидансите со кои изобилува.
„Замрзнувањето зелјест зеленчук и билки не се препорачува. Ако ги ставите на ниска температура ќе им се уништи хлорофилот, ќе им се изгубат витамините и антиокситантните својства. Ќе останат само влакната“, напоменува Мухина.
Читајте и: Колку долго меленото месо може да стои во замрзнувач?
Замрзнувањето, а потоа и одмрзнувањето, можат негативно да влијаат на нутритивната вредност на зеленчукот кој е богат со вода, додава таа.
„Зеленчукот богат со вода како краставица, домат и тиквички не можете да го замрзнете. Тие практично ќе станат нејадливи бидејќи по одмрзнувањето ја губат својата структура и стануваат 'гумени'“, објаснува руската нутриционистка.
Читајте и: Како правилно се замрзнува компир?
Уште еден вид намирница ги менува своите својства при ниски температрури, а тоа се протеинските.
„При процесот на замрзнување доаѓа до пукање на протеинските врски. Не можете да змрзнувате ферментирани млечни производи бидејќи по одмрзнувањето ќе бидат целосно водени и налик на сурутки“, додава таа.
Според нејзините зборови, ладното ја намалува активноста на полинезаситените масни киселини.
„Полинезаситените масни киселини во бадемите, кикиритките и лешниците со замрзнувањето ја губат својата активност. Односно, јаткастите плодови по замрзнувањето нема да бидат со толку висок квалитет“, прецизира Мухина.
Меѓу намирниците кои не треба да се замрзнуваат таа ги наведе и сирењето, кашкавалот и бананите.
