Иако постои со векови, индустријата за пиво претрпе доста промени во текот на изминатата деценија откако на пазарот се појавија нови видови.
Нутриционистот и портпарол на Академијата за исхрана и диететика, Анхел Планелс, вели дека некои видови пиво можеби се подобри од другите, но умереноста е сепак клучна кога се консумира овој алкохолен пијалак. Сепак, овие видови се издвојуваат како подобри опции кога станува збор за пивото.
Светлото пиво има помалку калории и помал процент на алкохол во споредба со стандардните пива. Исто така, овој вид најмалку му штети на црниот дроб, а вашето тело полесно го апсорбира.
Овој вид на пиво се прави со бактерии кои произведуваат млечна киселина, па може да биде малку кисело. Пивата со кисел вкус имаат помалку калории и алкохол, а може да содржат и пробиотици, кои се добри за дигестивниот систем.
Органското пиво е како и другите органски производи. Не содржи никакви дополнителни хемикалии и е природно. Во споредба со другите видови пиво, органските пива содржат помал процент на алкохол и калории.
За луѓето кои се нетолерантни на глутен, а сакаат да уживаат во вкусот на пивото, имаат опција за пиво без глутен. Овој вид на пиво има малку поинаков вкус во однос на другите видови, бидејќи е посладок и поблаг по вкус.
Доколку избегнувате алкохол, а го сакате вкусот на пивото, тогаш безалкохолното пиво е најдобрата опција за вас. Вкусот на безалкохолното пиво е речиси идентичен со стандардниот тип, а има и помалку калории.
