Главниот град на Австрија, Виена, по деветти пат е прогласен за метропола со најдобар квалитет на живот во светот, додека најнеквалитетно живеат во Багдад.
Меѓународната консултантска агенција „Мерсер“, по деветти пат по ред, дојде до заклучок дека во Виена се живее најдобро и тоа подобро од било кое друго место во светот, подобро од Цирих, кој е второпласиран и подобро од Минхен, кој се најде на третото место.
„Виена убедува пред се поради својата безбедност, одличниот градски превоз, културните и забавните установи“, стои во соопштението на „Мерсер“.
Меѓу првите десет градови, како и минатата година, поголемиот дел се европски градови.
Од шестото до десеттото место се наоѓаат Дизелдорф, Франкфурт, Женева, Копенхаген, Базел, а на петтото место е Ванкувер, додека десеттото му припадна на Сиднеј.
Град со најлош квалитет на живот, како и претходните години, повторно тоа е Багдад.
Истражувањето веќе две децении споредува 231 големи градови врз основа на 39 критериуми, од аголот на вработените кои од други земји се упатиле на работа во тој град.
Меѓу критериумите се и политички, социјални, економски, еколошки аспекти, но и понудата во областа на здравството и образованието.
Во речиси сите категории Виена доби максимален број на поени.