Модната дизајнерка Викторија Бекам направи линија облека за крупни жени во која ќе има величини до 52, односно XXXL.
Викторија Бекам честопати ја критикуваа дека за нејзините ревии ангажира преслаби манекенки, а сега од неа следи нешто сосема неочекувано: линија за жени со облини.
Новата линија со величини до XXXL e во соработка со Target и дизајнерката вели дека е „навистина возбудена“ и „горда на својот нов проект“.
„Ова е нешто многу поразлично од се што работела досега, но поентата е да допре до секој поединечен клиент. Затоа почна да работи модели во овие величини“, вели извор од модната индустрија за „Daily Mail“.
Моделите од оваа колекција се очекува да чинат до 40 евра.