Викторија Бекам во средата гостуваше во емисијата „The Tonight Show“ на Џими Фалон, каде откри зошто таа и нејзиниот сопруг Дејвид често носеа облека в склад во првите години од нивната врска.
„Изгледаше како навистина добра идеја во тоа време“, рече Викторија (47), исмејувајќи се со сопствениот избор, додавајќи: „Навистина е така. Мислам дека тогаш бевме наивни, не знаевме за модата. Само се забавувавме“.
Таа рече дека модата всушност треба да биде забавна и дека „навистина би сакала да имам храброст тоа сега да го правам уште повеќе“.
Поранешната членка на групата „Spice Girls“ рече дека не се грижеле дали ќе „направат грешка“ и само сакале да се забавуваат носејќи исти или парчиња облека кои се во склад.
„И ќе си речевме 'Еј, ајде да облечеме нешто кожно“ и ќе го направевме тоа“, вели таа.
Потоа Кимел прикажа фотографија од Викторија и Дејвид од 1999 година на која тие носат точно исти црни кожени јакни и кожени панталони.
Викторија рече дека тие сепак не го правеа тоа често, но секој пат кога тоа го правеле било „добро документирано“.
Госпоѓа Бекам во шоуто блескаше во бела свилена комбинација, а зборуваше и за својата нова линија за убавина и модни колекции.