Викторија Бекам успешно го балансира животот меѓу водење на успешен бренд и улогата на мајка на четири деца, но се чини на сопругата на Дејвид Бекам нема да ѝ биде тешко да додаде уште една одговорност.
Викторија (44) е подготвена за уште едно дете и тоа што поскоро, тврди извор близок до семејството Бекам. Таа ќе треба сама да се грижи за петтото дете кога ќе се преселат во САД поради работните ангажмани на Дејвид, но таа сепак сака да го прошири семејството и тоа уште пред да се преселат.
„Викторија очајно сака уште едно дете. Таа верува дека петтото дете дополнително ќе го зближи семејството. Знае дека нема многу време на располагање, па мора што побрзо да донесат одлука. Смета дека ова е совршено време бидејќи нејзините деца Бруклин (19), Ромео (16), Круз (13) и седумгодишната Харпер се доволно големи за да може да се посвети на новото бебе“, рече изворот за „Хит магазин“.
