Објавен е трејлерот за филмот „King Richard“ во кој го гледаме Вил Смит во улогата на таткото на легендарните тенисерки Венус и Серена Вилијамс.
Трејлерот почнува со увид во семејниот живот во Комптон, Калифорнија, каде Ричард Вилијамс расправа за неговите визии за Венус, Серена и нивните браќа и сестри.
„Во оваа куќа имаме идни доктори, адвокати и неколку тениски ѕвезди“, вели тој.
Серена, Венус и нивната сестра Иша Прајс се меѓу извршните продуценти на филмот. Режисер е Реиналдо Маркус Грон, а сценариото е на Зак Бејлин.
Зборувајќи за одлучноста на нивниот татко од нив да направи тениски легенди, Серена има изјавено:
„Тој беше најважната личност во мојата кариера. Сè започна како идеја. Тоа беше негова идеја којашто го промени спортот, ја промени историјата“, смета Серена.
Премиерата е закажана за 19 ноември, а филмот на HBO Max ќе биде достапен еден месец подоцна.
„Овој свет никогаш не го почитуваше Ричард Вилијамс, но ќе ве почитува вас“, вели Ричард во трејлерот.