Со своите 90 години, канадскиот актер Вилијам Шатнер денеска направи кратко патување во вселената и стана нејзин најстар посетител.
Со ракетата New Shepard на Blue Origin, Шатнер заедно со уште тројца минаа 11 минути во вселената.
Настанот првично беше закажан за на 12-ти, но беше поместен за ден подоцна поради силниот ветер кој го зафати регионот околу платформата за лансирање во Тексас.
Шатнер во серијата „Star Trek“ го играше ликот на капетанот Џејмс Т. Кирк, кој командуваше со вселенското летало USS Enterprise, а подоцна се појави и во филмовите.
Џеф Безос, сопственикот на Blue Origin, го покани Шатнер на ова патување токму поради неговата улога во „Star Trek“.