Вимблдон ќе ја прекине традицијата и ќе ги замени линиските судии со електронски контролен систем од тениските првенства следната година, потврди тенискиот клуб All England.
Глетката на беспрекорно облечени линиски судии како стојат или клечат на страна и зад тревните терени го карактеризира овој Грен слем турнир во последните 147 години.
Контролата на линиите преку електронски систем за прв пат беше искористена во експеримент во 2017 година во финалето на АТП турнирот во Милано.
Оваа технологија стана широко распространета за време на пандемијата на коронавирус и ќе се користи на сите АТП турнири од 2025 година.
Главните судии ќе бидат задржани.
Отвореното првенство на Австралија и УС Опен веќе ги заменија линиските со електронски систем, а Отвореното првенство на Франција сè уште се потпира на човечкото око.
Line judges are no more at Wimbledon ❌ pic.twitter.com/SKlOhro7EV
— BBC Sport (@BBCSport) October 9, 2024
