Само неколку дена откако Стефано Пиоли го напушти тренерското место во Фиорентина, италијанскиот клуб го објави неговиот наследник. Се работи за легендарниот напаѓач и некогашен тренер на Фиорентина – Винченцо Монтела.
Фиорентина потврди дека Монтела од денеска го започнува својот втор мандат во клубот, откако вчера потпиша договор со клубот до 2021 година.
Италијанскиот тренер остана без работа откако си замина од Севиља на крајот на минатата сезона, а пред тоа беше тренер на Милан, со кој не може да се пофали со особен успех. Монтела го предводеше тимот на Фиорентина од 2012 до 2015 година и во сите три сезони заврши на четвртото место на табелата.
Првиот натпревар на старо-новиот тренер на Фиорентина ќе биде во недела, кога на стадионот Артемио Франки ќе се соочи со Болоња.